Nivīns nagryb tam ticēt, ka varu laimeiga byut...
Ir taida dzīsmeņa ar võrdim «neviens negrib tam ticēt, ka šai lietainā dienā varam laimīgi būt».
…
Lej, jau vairõkys stundis. I dieļ kam maņ šūreit vajdzēja agrõk ceļtīs ar dūmu, ka vairõk kū õrā padareišu? Vot tagad siežu i maitoju acs pi datora. Jau vairõkys stundis. Nalosu grõmotu, a blogus i zinis portalūs. Vītejū avīzi ari (põrõk bīži) nalosu (baigi bremzej informaceja saleidzynõjumā ar netu).
…
Reizem aizadūmoju, kõ cylvākam vajag (pylnai) laimei. «Pylnai» atmessim. Laimei. A maņ reizem tei apmīrynõteiba ar dzeivi nūplaiksnej car acim pavysam nacylūs dzeivis breižūs. Pat ni tod, kod sapņoju. Vot tagad siežu, losu, rokstu i jiutūs laimeiga.
…
Leits jau tai ka naplakškinej pa lūgu. Voi tik nabyus põrstõjs? Ai, turpynõšu laseit. I naskaudit mani, ka laime mani pīmeklej losūt.
…
Lej, jau vairõkys stundis. I dieļ kam maņ šūreit vajdzēja agrõk ceļtīs ar dūmu, ka vairõk kū õrā padareišu? Vot tagad siežu i maitoju acs pi datora. Jau vairõkys stundis. Nalosu grõmotu, a blogus i zinis portalūs. Vītejū avīzi ari (põrõk bīži) nalosu (baigi bremzej informaceja saleidzynõjumā ar netu).
…
Reizem aizadūmoju, kõ cylvākam vajag (pylnai) laimei. «Pylnai» atmessim. Laimei. A maņ reizem tei apmīrynõteiba ar dzeivi nūplaiksnej car acim pavysam nacylūs dzeivis breižūs. Pat ni tod, kod sapņoju. Vot tagad siežu, losu, rokstu i jiutūs laimeiga.
…
Leits jau tai ka naplakškinej pa lūgu. Voi tik nabyus põrstõjs? Ai, turpynõšu laseit. I naskaudit mani, ka laime mani pīmeklej losūt.
Komentari (6)
RSS sateit / rozteitvakar beju tikšonuos reizē ar 3 latgalīšim nu Sibiris (tyvuokajā laikā sagataveišu kaidu info deļ lakuga.lv) — diveji nu jīm jūprūjom muok runuot, kai jī soka «pa sovam» — īsavuicejuši nu sovu vacuoku…
Aizkustynova, kod jī saceja: «Asu laimeiga, ka latgalīšu volūdu vēļ muoku poša, a vēļ laimeiguoka asu, kod radzu, ka jaunī runoj, dzīd...» i roksta? :)
Taišni tai — raksteisim latgaliski!!!
jureits
I as naynu kur vēļ dabyut koč kū latgaliskai… prozu, pīmāram. Nui, pīmāram nu Annys Rancānys koč kū. A kur var dabyut? Bibliotekuos naasmu manejusi nikuo latgalisku… Nu vismoz Lelvuordē…
Aijaijaa
Anna
Tak na visi Latvejis latgalīši muok i grib laseit latgaliski. I kur vēļ tī uoksti vacuoki, kuri sovā storpā runoj latgaliski, a ar bārnim «pareizā latviešu valodā». Da kab jei koč pareiza byutu! Akcentus taidus bārnim samuoca, ka vīnolga kotrā ziļbī dzieržams, ka latgalīts.
Anna
Anna
Ka kurš teišam gryb laseit dzymtā latgaļu volūdā, tod nūteikti īsoku neta adresi:
Ite ira latgaļu presis izdavumi nu laikim pyrms Ūtruo pasauļs kara. Daudz kū par myusu tyvuokajim seņčim var uzzynuot, tūs laiku garšu izjust, turkluot tei ir eista latgaļu kulturys i viesturis muoceiba, kas nūteikti nūderēs kurys kotrys augstškolys studejuos. Koč tī ir raksteits vēļ piec vacajim volūdys lykumim, tūmār i saleidzynuošona ar sova pogosta runu kotram dūd lobuoku saprašonu i par jaunuokū L. Leikumys i J. Cibuļa gramatiku, pi kurys myusim šudiņ nūteikti ir juosaturīs.
juoneits
Tikai registrātī lītuotuoji var īraksteit komentarus.