Par radeju...
Oktobrī īslādzu datoru i uzliku, kab skaņ Latgolys radeja. Dzierdeju i volūdu, i dzīsmeites. Tai maņ tys vyss cīš, cīš paleidzāja apgiut volūdu i īpazeit latgalīšu muzyku.
Dīvamžāļ, na iz ilgu laiku. Vāluok radejā suocēs nalykumeibys. Vysi jau poši zyn kas i kai beja. Kai latgalīši tūmār panuoca taisneibu! Kaidi koncerti tyka reikuoti radejis lobdareibai! As poša beju iz Kongresu nomu Reigā. Kai tī muzykanti uzastuojās gandreiž 3 stuņdu gorā koncertā! As beju emoceju pylna…
Radeja deve cīš daudz gaņ pošim muzykim, gaņ klauseituojim, gaņ tīm vysim darbinīkim, kuri atdeve vysu sovu sierdi i dvēseli, kab byutu latgaliska radeja. Tys ir svareigai, as uzskotu.
Tān beidzūt jauni īpašnīki – bazneica. Nazynu eisti kaida, bet tys, ka bazneica, tys skaidrs. Nui, i togad juocer, ka varies sarunuot ar juo kaidys turpmuokas radejis atteisteibys gaitys. Juocer, ka nabyus kristeiguo radeja, juocer, ka radeju vareis atteisteit kai myusdīneigu, vēļ lobuoku Latgolys radeju. Varbyut as dzeivuoju sapyņūs, bet maņ līkas, ka patīšom byus otkon vyss kuorteibā, ka saīs vyss iz lobuo pusi.
Kai jiusim līkas — cik lelu svareiguma pakuopi latgalīšu kuļturā ījem Latgolys radejas darbeiba i atteisteiba? Cik lela nūzeime itai radejai ir jiusu dzeivē ?
Asmu par tū, kab byutu otkon Latgolys radeja, kur byutu raidejumi, muzyka, zinis i lyugšona… ci vēļ koč kas breineigs latgolīšu kuļturys atteisteibai.
Dīvamžāļ, na iz ilgu laiku. Vāluok radejā suocēs nalykumeibys. Vysi jau poši zyn kas i kai beja. Kai latgalīši tūmār panuoca taisneibu! Kaidi koncerti tyka reikuoti radejis lobdareibai! As poša beju iz Kongresu nomu Reigā. Kai tī muzykanti uzastuojās gandreiž 3 stuņdu gorā koncertā! As beju emoceju pylna…
Radeja deve cīš daudz gaņ pošim muzykim, gaņ klauseituojim, gaņ tīm vysim darbinīkim, kuri atdeve vysu sovu sierdi i dvēseli, kab byutu latgaliska radeja. Tys ir svareigai, as uzskotu.
Tān beidzūt jauni īpašnīki – bazneica. Nazynu eisti kaida, bet tys, ka bazneica, tys skaidrs. Nui, i togad juocer, ka varies sarunuot ar juo kaidys turpmuokas radejis atteisteibys gaitys. Juocer, ka nabyus kristeiguo radeja, juocer, ka radeju vareis atteisteit kai myusdīneigu, vēļ lobuoku Latgolys radeju. Varbyut as dzeivuoju sapyņūs, bet maņ līkas, ka patīšom byus otkon vyss kuorteibā, ka saīs vyss iz lobuo pusi.
Kai jiusim līkas — cik lelu svareiguma pakuopi latgalīšu kuļturā ījem Latgolys radejas darbeiba i atteisteiba? Cik lela nūzeime itai radejai ir jiusu dzeivē ?
Asmu par tū, kab byutu otkon Latgolys radeja, kur byutu raidejumi, muzyka, zinis i lyugšona… ci vēļ koč kas breineigs latgolīšu kuļturys atteisteibai.
Komentari (1)
RSS sateit / rozteitVoi var kaids, pīvadumam, pastuosteit, ar kū suocēs latgalīšu muzykys atmūda? ar BorowaMC, a varbyut ar Bez PVN, a varbyut ar «Laimas Muzykantim», bet pyrms tam beja «Tik skaidra volūda...», a tei gon jau ka koč kū pagive ari nu tautys dzīšmu…
Maņ šūbreid, atsazeišu, Latgolys Radeja (LR) skaņ ļūti ratai :( deļ tam ka ikdīna vyspuor ratai klausūs radioaparatu… :) LR beja (i vēļ ir) vīns sūļs kūpeigajā latgalīšu atteisteibys ceļā. vīns nu nuokamajim sūlim varātu byut panuokt regularu iknedelis raidejumu LTV, latgalīšu volūdys apgiušonys īspieju kotrā Latgolys školā (i na tikai) koč vīnu stuņdi nedeļā… Vēļ varātu sataiseit dokumentalū kinu par latgalīšu volūdu — taidu vyspuoreju, bet tymā pošā laikā interesantu i izgleitojūšu — lai nav kotru reizi nu jauna cylvākim juoskaidroj: kas ir dialekts, ka ari Sibirī ir latgalīši i tī ir ari pases ar īrokstu «latgalīts», ka beja sovulaik dīnys avīze ar 40000 tiražu, ka ir drukuotys gruomotys, raksteitys dzīsmes, kai beja da 13.godu symta i kas eisti nūtyka 1917.godā, ka iz vysa pasauļa zyna latgalīti Konstantinu Raudivi, ka Latvejis prezidenta pīnuokumu piļdeituojs i faktiski caturtais Latvejis prezidents beja latgalīts, kas beja drukys aizlīgums i kai veidovās «Latvīšu Muzikalisko bīdreiba», kū pa pīcim godim kai registrāts byus pagivs izdareit Latgolys Studentu centrs, kai pagaisa latgalīšu televizejis raidejumi i kai pagaist latgalīšu volūda nu bazneicu i 15.augusta svātkim, ari kai izaveidova Latgolys Radeja itt. :) Dorba vēļ daudz!
jureits
Tikai registrātī lītuotuoji var īraksteit komentarus.