Latgolys pašvaļdeibu vadeituoji sazapynuši politiskajūs teiklūs

19.augustā vysu Latgolys pašvaļdeibu vadeituoji tyka aicynuoti iz kūpeigu tikšonūs, lai lykumā nūsaceitajā kuorteibā īcaltu Latgolys planuošonys regiona atteisteibys padūmi (LPRAP).

Vyss lelais dorbs apsastuoja pi LPRAP skaitliskuo sastuova nūsaceišonys. Pyrmais prīšklykums beja: kotrai Latgolys pašvaļdeibai (kūpā taidu ir 21) dūt pa vīnai puorstuova vītai jaunveidojamajā LPRAP'ā. Ūtrais prīšklykums beja dūt lelajom pašvaļdeibom — taidom kai Daugavpiļs, Rēzekne — papyldus puorstuova vītu i tod saītu 27 cylvāki tymā padūmē…

Koč ari izaver porosta līta, kas byutu atrysynojama ar vīnu bolsuojumu, itys vaicuojums īilga vairuoku stuņžu garumā i beiguos tai ari pagaidam natyka atrysynuots. Tyvuokajā laikā tikšūt saukta atkuortuota vysu Latgolys pašvaļdeibu vadeituoju kūpsapuļce.

***
Itymā vaicuojumā taidai apvīeibai kai «Latgolys Saeima» iz prīšku byutu kū saceit i kū vierteit, deļ tam ka izaver pašvaļdeibu vadeituoji sovys i breižim sovys partejis interesis tur augstuok par vasalū sapruotu. Cik nūjaušams — bolsu variacejis jau saskaiteitys i apmāram ir skaidra biļde, kurais byus LPRAP prīšksādātuojs 21, a kurais byus 27 padūmes lūcekļu variantā… Vēļreiz aicynoju vysus aktivuok īzasaiteit kūpeigajā dorbā i aicynuot leidzcylvākus dareit tū pošu — tikai tod mes varēsim pamaineit sovu pašvaļdeibu, sovu regionu i sovu vaļsti!
  • 0
  • 20. augusta 2009, 08:50
  • jureits

Komentari (11)

RSS sateit / rozteit
+
0
Naasu vairs naiva. Politika 95% gadejumu ir ceiņa par varu sovu krāslu.
Naudys taupeibys nūlyukā, maņ līkās, varātu pītikt i ar 21 cylvāku.
avatar

Anna

  • 20. augusta 2009, 09:19
+
0
vēļ rokstā damiersu dalikt vīnu svareigu lītu, kū na visi pašvaļdeibu vadeituoji ir saprotuši: LPRAP'a vadeituojam byutu juobyut breivam nu pīnuokumu piļdeišonys kaidā nu pašvaļdeibu — lai piļneibā varātu struoduot vysys Latgolys lobā. Struodojūt iz divejim krāslim ir divreiz mozuok laika dorba padareišonai.
avatar

jureits

  • 20. augusta 2009, 10:09
  • ↑
+
0
Skaidruoka biļde byutu tod, ka dalyktu zinis, nu kurom partejom vairuok ir izvierzeitūs puorstuovu — nu t.s. «kreisijīm» voi nu «lobejīm», tod byus skaidreiba, kurejī jems viersu pi kaida skaita (a tod jau Reiga izdūmuos, dūt taidai «kreisai» Latgolai centra varā asūšu naudu voi nā. Tai, pīmāram, Tautys parteja (pyrms tam LC) sovulaik nadeve nikuo tim LG pašvoldim, kur beja Jaunais Laiks pi varys). A tautys kūpeigū naudu nivīns politikā nikod navā taupejis, vysod izsvīž kurys kotrys summys, ka tik sajemt varu vysur, kur vīn var. LPRAP tam byus spylgts pīmārs. Vaicuojums — kaidā veidā var reali daspīst itūs cylvākus taupeit? Voi ir zinis, kaida jim īkš LPRAP paradzāta dorba olga?
avatar

juoneits

  • 20. augusta 2009, 14:59
+
0
Kreisūs parteju puorstuovu tī praktiski nav. Obeji lelī gorodi vīneigi taidi kai opozicionari Vaļdeibys partejom, bet cytaiž ir puorsvorā runa par TP i ZZS sovstarpejom interešom. Par olgys apmāru pagaidam nazynu, da i prīšknīks tak vēļ nav ībolsuots :) a tei sistema, ka reiga atsvīž kapeikis reigionim… ir vīnkuorši JUOMAINA!
avatar

jureits

  • 21. augusta 2009, 08:04
  • ↑
+
0
pīzasokūs iz itū krāslu ;)
avatar

arleiga

  • 1. seņtebra 2009, 10:23
+
0
hm — loba dūma: vajag izludynuot konkursu: pīzasaceit var jebkurš Latgolys regiona deputats (kas ībolsuots sevkurā pašvaļdeibā) i tod nu «lobuokajim izlaseit pošu lobuokū» :)
as varātu pīzasaceit, tik nazy kaids mani ībolsuotu tymā krāslā! :)
A Tu, arleiga, esi kaidā pašvaļdeibā par deputatu? :)
avatar

jureits

  • 1. seņtebra 2009, 10:44
  • ↑
+
0
:D naasu, a dūmoju, ka byutu tai nikas deputāts
avatar

arleiga

  • 11. seņtebra 2009, 06:36
  • ↑
+
0
LPRAP ir jōbyut naatkareigai nū politiskōm partejom, kur strōdōtu aktīvs i tautā populars cylvāks iz pylnu dorba slūdzi, kas sazadorbojūtīs ar Latgolys pašvaļdeibom izzynōtu kotra nūvoda vajadzeibys i pīšķiertu finanšu leidzekļus. Finansis LPRAP byutu jōpīprosa nū Latvejis i izlītotys 100% Latgolā.
Bet Lagalīšu saime nūteiktu ekonomikas attīsteibas virziņus 5 godim (taidā ziņā varātu pamocietīs i daļieji pōrjimt nū PSRS plānošanys principim iz pīcgadi.

Ita varātu byut daudz dažaidu verseju, bet naatkareigīs byutu īinteresiets i atbiļdeigs par izvirzietū mierķu sasnīgšonu.
avatar

RolandsPilka

  • 8. seņtebra 2009, 22:25
+
0
kai reize tī tuos nasaskanis suocēs — daļa nu pašvaļdeibu vadeituoju uzskota: vajag LPRAP vadeituoja omotā cylvāku, kas ir deputats kaidā nu pašvaļdeibu (tū prosa lykums), bet nav tuos vadeituojs, lai piļneigi varātu sevi vēļtēt Latgolys problematikai… bet, redzi, izaver, ka ir daļa pašvaļdeibu vadeituoju, kam nabyutu nikas preteimā pasēdēt iz diveju krāslu… :(
P.S. kai reize styprys sabīdreibys spīdīņs varātu itaidā situacejā īvīst korekcejis — deļ tam myusim ir iz kū augt!!! vuocam kūpā cylvākus!
avatar

jureits

  • 8. seņtebra 2009, 22:46
  • ↑
+
0
tai tys iraid, ka gribīs byut pi špricis obuos vītuos
es dūmoju, ka Latgaļai byutu lobuok, kod atsevišks cylvāks byutu LPRAPā, navys vīns, kurš i nūvodā i tī.
tolka nu tuo nabyus nivīnam — tikai tam kurš byus īvālāts
avatar

Janis

  • 8. seņtebra 2009, 23:45
  • ↑
+
0
trokums — bejuse nu jau ūtrei sēde. rezeuļtats tys pats ;) vot tai i dzeivojam — Lagolys pašvaļdeiby pošys navar sovā vydā tikt skaidreibā par «golvonū» vaicuojumu: kurais byus prīšknīks? :(
avatar

jureits

  • 12. oktebra 2009, 09:01

Tikai registrātī lītuotuoji var īraksteit komentarus.