"Latgolys Programa 2017"

Aicynoju saisteibā ar rokstu portalā LaKuGa.LV «Vīns TV raidejums nikuo naizmaineis» suokt dorbu pi Latgolys programys izstruoduošonys. Nivīns cyts myusu vītā nadareis, deļ tam kūpeigi ir juoizstruodoj redziejums, kaidu mes gribim Latgolys atteisteibu i kaida tymā ir latgalīšu volūdys vīta – sovus prīšklykumus rokstit komentaru sadalī voi syutit iz e-postu: latgolyssaeima@gmail.com

Itymā godā Latvejis vaļstei palīkn 20 godu, bet latgalīšu volūda i kuļtura ir gondreiž Padūmu laiku leiminī (vīneiguo atškireiba, ka latgaliskuo darbeiba nu trymdys ir atguojuse iz etniskū dzimtini, bet vaļsts atbolsta vysleidz praktiski nav). Piec 7 godu mes svinēsim 100.godu jubileji nu Latgolys kongresa, tod vēļ piec goda Latvejis symtgadeibu… leidz tam myusim ir vēļ daudz kas juopadora, lai nav kauns myusu seņču prīškā!
  • +3
  • 16 febraļa 2010, 00:26
  • jureits

Komentari (17)

RSS sateit / rozteit
+
0
Golvanīs, kas ir juoizdora ir juopanuok, ka paši Latgalīši nazakauna, ka jī ir Latgalīši.
avatar

andriic

  • 16 febraļa 2010, 14:55
+
0
pīkreitu, bet itei tevis izsaceituo dūma vairuok der pi 3.punkta «Darbeiba» — pastuost, kas tīši juoizdora, kab latgalīšim nabyutu kauns?
avatar

jureits

  • 16 febraļa 2010, 16:25
  • ↑
+
0
Man jov līkuos, ka lylu lūmu spieļoj vacuoki, a viel lyluoku škuluotoji. Pa munam juosameklej kotrā (nu vysmoz lyluokejā dalie) školu vusmoz vīns škuluotojs, tolk tuods, kurs ir aktīvs i jauns, kuram školnīki var byut draugi, i tod jam juostruodoj ar uzsvaru par Latgaliskumu.
avatar

andriic

  • 16 febraļa 2010, 20:39
  • ↑
+
0
Viel obligati vysur Latgalie ar vysīm juorunoj Latgaliski. Piec sovas pīredzes es varu saciet, ka es runoju ar vysīm Latgaliski i pat tuodi cylvaki, kuri soka, ka narunoj Latgaliski — ar mani suok runuot — vusmoz cenšuos, par tū man prīks, jū lobuok runuot kuo jī soka «napareizi» Latgaliski, nakuo narunuot vyspuor sokūt, ka najādz.
avatar

andriic

  • 16 febraļa 2010, 20:43
  • ↑
+
0
I viel, pa munam Latgalīšu volūdai navādzātu nūsaciet, ka rakstiskuo volūda ir Latgalīšu volūda — a puorejī ir latgalīšu volūdas izlūksnes, Man ir lobuoka ideja — Ir vīni gramatikas lykumi, a vusi varianti ir volūda — sinonīmi, navus tuo vīns vuords ir volūda cyts, kurs nūzemoj tū pašu — izlūksne. Lobuok vusi vuordi ir Latgalīšu volūda. Tok lyluokejai dalei vuordu Latgalie ir daudz dažuodu cytu vuordu.
avatar

andriic

  • 16 febraļa 2010, 20:48
  • ↑
+
0
Loba dūma — kotrā školā «latgaliskuma viestnīks» — vysmoz vīns. :)
avatar

jureits

  • 17 febraļa 2010, 16:16
  • ↑
+
0
ite maņ vīns voicuojums na pe temai!
cik as zynu, tad vuords latgaļīši suoka ploši lītuots ap 1934 godu, kad nūtika itas apvārsums… ci itas ira tai?
avatar

DarkEagle

  • 16 febraļa 2010, 15:55
+
0
cik as zynu, tod terminu latgalīši vairuok "īvīse" F.Kemps jau 20.gs. suokumā. tod ari bejušys korstys diskusejis, bet beiguos palykuši pi «latgalīšu». piec 2.pasauļa kara trimdā otkon gaismā tyka calts termins «latgali», lai eipaši pretnūstateitu nu «uļmanīšim». Par itū tematu jau ari puors godus atpakaļ beja korstys diskusejis — ka nazamoldu var papietēt latgola.lv vacuos sarakstis.
Naseņ pavaicovu ari L.Leikumai — kai tod jei verās iz itū dzelu :) jei koč ari pīkryta, ka tān «latgalīši» bīži viņ ir kai geografisks apzeimiejums, bet latgali juospruot ir bejuse ciļts, kas leidz 13.gs. apdzeivovuse na tikai pašreizejū Latgolu, bet ari Vydzemi i plašu teritoreji uorpus niulinejuos LV… Jemūt vārā, ka pyrmais rokstu pīmineklis rodās stipri vāluok, tod mes navaram ar puorlīceibu saceit, ka tān runojam tai pat kai 13.gs.
Tai ka pamatā mes asom (Latgolys) latvīši, latgalīši i latgaļu ciļts piecteči. nu apmāram tai. Bet aicynoju pi ituos diskusejis atsagrīzt drusku vāluok — vysa pyrms īsyutit prīšklykumus «Latgolys Programai 2017»: volūda školā, TV, radejā, īlys nūsaukumi… kur vēļ?
avatar

jureits

  • 16 febraļa 2010, 16:36
  • ↑
+
0
a vorbūt izveidūt vāl vīnu kongresu 2017 godā i atdaleitīs nu Latvejis?
itas sanuoks dīzgon skaišķi..)
avatar

DarkEagle

  • 16 febraļa 2010, 20:00
+
0
itaidys runys gon pagaidam aicynoju lobuok paturēt pi sevi. Tuos tikai nazynuotuojim-puornūvodnīkim jauc golvu i dūd pamatu klaiguot par separatismu i «krīvu rūku». Koleidz mes naasom paruodejuši i pīruodejuši, ka poši esim saiminīki vysmoz Latgolā, navajadzātu līki tracynuot cylvākus ;)
aicynoju suokumā kertīs pi «programys» izstruoduošonys — pagaidam naasu sajiems lītiškus īrūsynuojumus, deļ tam suoču vērtīs regionalūs volūdu hartu — kū nu tuos varam puorlikt iz sovu «Latgolys programu»…
avatar

jureits

  • 17 febraļa 2010, 16:15
  • ↑
+
0
nu ite as tev pīkrītu…

bet voi navar kaut kaids nuvods izvirzeit pī sevys prīkšlikumu īvīst latgaļu volūdys muoceibas školās?
avatar

DarkEagle

  • 18 febraļa 2010, 21:38
  • ↑
+
0
Latgalīši ir geograpisks apzeimuojums,as asu latgaļs,asu eists latvīts.
Juosuok ar ābeci,navaru pasceit kur raut pinansiejumu(īspiejams beideit proektus,ka jau asam zam eiropys ,lai jī i dūd naudu),lobu,skaišku ĀBECI,kur kotram burteņam pretī kai jau vadās zeimejums i to zeimejuma nūsaukums,kurīs ir viņ latgaliski,lai nava sakne ar baltīšu,slāvu ci germāņu volūdom,i kotram bārnam kam niuļa 3 gadeņi duovynuot,pyrmā lopā prīkšvuords vacuokim,kas eisi izskaidroi kas jer latgaļi,kas jer myusu volūda i ka juozakaunei na nu volūdys a nu kauniešonūs lītuot sovu tāvu volūdu.
avatar

guxiks

  • 20 febraļa 2010, 16:13
+
0
LaKuGa ir labi,Latgolys Radeja ar labi,abet veļ lobuok kaids sataustams,rūkā jemams inpormacejis olūts,koč raizi mienesī ,koč malnbolts,pierkams pa nalelu naudu karā gribi avīžu kioskā(var saraksteit projektu i dabuot tū naudu,eiropa taidom lītom dūd naudu,ka ruodīs pruoteņ kur tu asi...)
avatar

guxiks

  • 20 febraļa 2010, 16:20
+
0
vyss ir īspiejams — myusim tikai tryukst dareituoju :( bet ļūti labi — itū prīšklykumu īlikšu programmā. rokstit vēl!
avatar

jureits

  • 21 febraļa 2010, 12:35
  • ↑
+
0
latgalesbalss.lv/izklaide-un-kultura/ludzas-krievu-biedribas-%E2%80%9Enasliedije%E2%80%9D-projekts-%E2%80%9Esabri-%E2%80%93-latgales-latviesu-un-mazakumtautibu-kulturas-dialogs%E2%80%9D.html
Muna sīva roksta i voda proektus Ludzys nūvodā i itys ir Juos dorbs,kū taidu Jei varātu izdareit i viņ latgaļu lobā tik juobyun pasyutietuojam,kaidai organizacejai,bīdreibai,juosakreit laikam kod eiropa gotova kū pabalsteit leidzeigu i tuoļuok jau juoīgulda pruota dorbs lai viņņāt konkursu,i kod jer pinansiejums tod i byus darietuoji,Mantepeļu(Gustav von Manteuffel) tagad nav,a bez naudys vyss palānai kustīs,pīmāram loba ābece varātu izmoksuot nu lata da treis latym,losamīs žurnals-0.50-1.00 Ls avīze,ci gazeta-0.20-0.50 atkareigs nu kvalitātis i metīņa,var lātuok,viņ tod na par projektu naudu,a sovys maņ nav, i cik nūprūtu nava bogotu latgaļu,kas varātu taidim mierkim zīduot,koč gon varātu vest puorrunys,taids cylvāks palyktu viesturī ,var jau byut ir kaids gūdkuors,lai na patriots,bet ja dūs naudu,lai slava teik jam, abet lobums byus vysai myusu tautai.
avatar

guxiks

  • 21 febraļa 2010, 14:54
+
0
bez kaut kaidas propagandas dalikšu itu: (krīvu vol.)
rus.delfi.lv/news/daily/versions/article.php?id=30109547
tūmār ite autors dela soka
avatar

DarkEagle

  • 23 febraļa 2010, 17:17
+
0
vāl vīna ideja ap vīnuotu Latgolys teritorialo vīnību…
www2.la.lv/lat/latvijas_avize/jaunakaja_numura/latvijas.zinas/?doc=73469
lobuokoi dzeivei apvinuot vysus nūvodus vīnā
avatar

DarkEagle

  • 27 febraļa 2010, 21:20

Tikai registrātī lītuotuoji var īraksteit komentarus.